Գլխավոր էջ » 2010 » Դեկտեմբեր » 13 » ԿՐՈՅՖԸ ՔՆՆԱԴԱՏԵԼ Է ՌՈՍՍԵԼԻՆ ՄԱՐԶԱՇԱՊԻԿԻՆ ԳՈՎԱԶԴ ՏԵՂԱԴՐԵԼՈՒ ՀԱՄԱՐ
18:29
ԿՐՈՅՖԸ ՔՆՆԱԴԱՏԵԼ Է ՌՈՍՍԵԼԻՆ ՄԱՐԶԱՇԱՊԻԿԻՆ ԳՈՎԱԶԴ ՏԵՂԱԴՐԵԼՈՒ ՀԱՄԱՐ
Իսպանական «Բարսելոնայի» նախկին մարզիչ Յոհան Կրոյֆը քննադատել է ակումբի նախագահ Սանդրո Ռոսսելին, արաբական ոչ կոմերցիոն Qatar Foundation հիմնադրամի հետ հովանավորչական պայմանագիր ստորագրելու համար, գրում Marca-ն:
Բանն այն է, որ կատալոնական ակումբի մարզաշապիկին երբևէ հովանավորի գովազդ չի եղել, քանի որ «Բարսան» միշտ հրաժարվել է դա անելուց: «Բարսելոնայի» կարգախոսն է «Ավելի քան ակումբ» և այն միշտ հպարտությամբ է լցրել երկրպագուների սրտերը:
«Այս պայմանագիրը ոչ մեկին պետք չէ: Այդ կազմակերպությունից ստացած գումարը կկազմի ակումբի բյուջեի 6-7 տոկոսը: Մի՞թե Ռոսսելը մտածում է, որ մինչ ինքը ոչ ոք չի մտածել այս մասին: Մի՞թե նա այնքան հանճարեղ է, որ երեք ամսվա ընթացքում տեսել է այն, ինչ ուրիշները չէին տեսել տարիներ շարունակ: Դրանով մենք ավելի շատ կորցնում ենք, քան ձեռք ենք բերում: Դա մեծ քայլ է դեպի հետ»,- ասել է Կրոյֆը:
Հիշեցնենք, որ պայմանագիրը նախատեսված է հինգ տարով: «Բարսան» 166 միլիոն եվրո կստանա՝ այսինքն, տարեկան 33 միլիոն:

TotalFootball.am
Կատեգորիա: Մամուլի ասուլիսներ և հարցազրույցներ | Դիտումներ: 420 | Ավելացրեց: Jannnnnnn