Իսպանիայի հավաքականի գլխավոր մարզիչ Վիսենտե Դել Բոսկեն մեկնաբանել է այն բախումը, որ տեղի էր ունեցել Լա լիգայի 13-րդ տուրի "Ռեալ”-"Բարսելոնա” հանդիպման վերջում, հաղորդում է Marca-ն:
Հիշեցնենք, որ "Ռեալի” պաշտպան Սերխիո Ռամոսը շատ կոպիտ էր գործել Լիոնել Մեսսիի հանդեպ, ինչից հետո "Բարսայի” ավագ Կառլես Պույոլը բախվել էր Ռամոսի հետ: Բայց Սերխիոն կոպիտ հրել էր նրան` չմոռանալով հրել նաև Չավի Էրնանդեսին:
"Այն, ինչ տեղի է ունեցել Ռամոսի և Պույոլի միջև, կարող էր նաև մարզման ժամանակ լինել: Բայց այդ ամենը պետք է դաշտում մնա:Ես համոզված եմ, որ մեր հաջորդ հավաքի ժամանակ նրանց միջև որևէ խնդիր չի լինելու: Ինչ վերաբերում է հանդիպման արդյունքին, ապա այն որոշիչ դեր չի խաղում առաջնության համար: Խաղարկվում էր ընդամենը երեք միավոր”, - հայտարարել է Դել Բոսկեն:
www.Armsport.am
|
