Իսպանական Պրիմերայի և Սեգունդայի 30 ակումբներ նոր համաձայնության են եկել հեռուստատեսային հեռարձակումներից ստացված եկամուտների բաշխման վերաբերալ:
«Ռեալը» և «Բարսելոնան» գնացել են զիջման' համաձայնելով իրենց մասնաբաժինը 22.5%-ից (280մլն եվրո) հասցնել մինչև 17%-ի (212,5 մլն եվրո): Համաձայնությանը միացել են նաև «Ատլետիկոն» և «Վալենսիան», որոնց եկամուտը 13%-ից կրճատվել է մինչև 11%-ի: Միևնույն ժամանակ Սեգունդայի 22 թիմերի եկամուտներ աճել են 9%-ով, ինչն ավելի քան երկու անգամ գերազանցում է նրանց ներկայիս մասնաբաժինը: Այս մասին հաղորդում է «Futebol Finance»-ը:
Սակայն մի շարք ակումբներ, որոնց թվում են «Սևիլյան», «Ատլետիկը, «Վիլյառեալը», «Էսպանյոլը», «Սարագոսան» և «Ռեալ Սոսյեդադը» մեծ ակումբների զիջումները համարում են անբավարար և պատրաստ չեն ստորագրել համաձայնագիրը:
Հիշեցնենք, որ հատկապես «Սևիլյայի» նախագահ Խոսե Մարիա դել Նիդոն էր պայքարում, որպեսզի Իսպանիան Անգլիայի Պրեմիեր լիգայի օրինակին հետևի հեռուստատեսային եկամուտները բաշխելու ժամանակ: Աղբյուրը` Armsport.am
