"Բարսելոնայի” կիսապաշտպան Անդրես
Ինյեստան հայտարարել է, որ, իր կարծիքով, Մոուրինյոն ոչ մի զգալի
փոփոխություն չի մտցրել "Ռեալի” խաղի մեջ: Մեկնաբանելով Լիոնել Մեսսիի
հնարավոր տեղափոխությունը` Ինյեստան նշել է, որ այդքան էլ հեշտ չէ լքել այն
թիմը, որտեղ դու հասունացել և բարձր արդյունքների ես հասել: "Չեմ
հասկանում, այդ ինչ յուրահատուկ փոփոխություն է բերել իր հետ Մոուրինյոն, -
Ինյեստայի խոսքերն է մեջբերում La Gazzetta dello Sport-ը, - նախորդ տարի
մադրիդցիները ևս շատ հզոր էին, այնպես որ ես անհիմն եմ համարում բոլոր այն
խոսակցությունները, թե պորտուգալացի մասնագետը ամբողջովին փոխել է թիմը: Ինչ
վերաբերում է Մեսսիին, ապա ես միանշանակ կարող եմ ասել, որ նա և
"Բարսելոնան” միմյանց համար են ստեղծված: Գիտեմ, վերջերս շատ են խոսում
Մեսսիի`"Ինտեր” տեղափոխվելու մասին, սակայն պետք է նշեմ, որ այդքան էլ հեշտ
չէ լքել այն ակումբը, որտեղ դու հասունացել ես և դարձել չեմպիոն, դա գրեթե
անհնար է”:
|