Իսպանական "Բարսելոնայի” կիսապաշտպան Սերխիո Բուսկետսը հայտարարել է, որ նրա համար մեծ պատիվ է խաղալ Խավիեր Մասկերանոյի կողքին, հաղորդում է  Marca-ն:Իսպանիայի հավաքականի ֆուտբոլիստը կարծում է, որ նա և Արգենտինայի հավաքականի ավագը կարող են միասին գտնվել դաշտում:"Մեծ հաճույք եմ ստանում Մասկերանոյի հետ խաղալիս: "Բարսայի” ռազմավարության մեջ փոփոխությունների հնարավորություն կա: Ես արդեն խաղացել էմ Մասկերանոյի հետ, ով տեսականորեն ինձ հետ միևնույն դիրքում է հանդես է գալիս: Ակնհայտ երևում  էր, որ մենք կարող ենք միասին  խաղալ:Խավիերը շատ լավ ֆուտբոլիստ է, և ես չեմ կասկածում, որ նա կկարողանա օգտակար լինել թիմին: Պարզապես ներկա պահին նա դեռ լավ չի ընկալում մեր թիմի ռազմավարությունը”, - հայտարարել է Բուսկետսը: