Իսպանական "Բարսելոնայի" ֆուտբոլիստ Դանի Ալվեշը չի զարմանում, որ համարյա ամեն մամուլի ասուլիսի ժամանակ Մադրիդի "Ռեալի" մարզիչ Ժոզե Մոուրինյոն այնպիսի հայտարարություններ է անում, որոնք միանշանակ արձագանք չեն գտնում հասարակության  կողմից:Բրազիլացու խոսքերով, թերթերը հենց այդպես էլ վաճառվում են:"Ամբողջ աշխարհը Մոուրինյոյի հայտարարություններից նորություններ է սպասում, ինչն էլ հանդիսանում է թերթերի վաճառքի նախապայմանը: Մոուրինյոն "Բարսելոնայի" դեմ, այ սա արժե կարդալ: Բայց ես կարծում եմ, որ ԶԼՄ-ները գերագնահատում են պորտուգալացի մասնագետի նշանակությունը:Մենք ինքներս նրա մասին չենք խոսում.նա սկսում է այդպիսի դեր խաղալ այն ժամանակ, երբ մարդիկ մտածում են, որ ամբողջ օրը միայն նրա մասին ենք խոսում: Նա չի ստեղծել ֆուտբոլը: Նրան այդքան նշանակություն տալիս են միայն նրա հայտարարությունների համար",-ասել է Ալվեշը:Կապտանռնագույնների ֆուտբոլիստը ավելացրել է նաև, որ ոչ թե Մոուրինյոն է մոտիվացնում  "Բարսային", այլ' "Ռեալը":  Նրա խոսքերով, այսօր Մոուրինյոն աշխատում է "Ռեալում", վաղը կարող է այլ տեղ աշխատել: