 Իսպանական Բարսելոնայի նախագահ Սանդրո
Ռոսելը կարող է առաջարկել Լիոնել Մեսսիին երկարաձգել պայմանագիրը մինչ
պրոֆեսիոնալ կարիերայի ավարտը, հաղորդում է Marca-ն:
Կապտանռնագույնների
նախագահը բարձր է գնահատում արգենտինացուն և չի ցանկանում բաժանվել
նրանից: Ռոսելը դիմել է նրան հետևյալ խոսքերով. <<Դու ոսկի մարդ ես, ինչը
շատ ավելի կարևոր է, քան աշխարհի լավագույն ֆուտբոլիստ լինելը: Մենք քեզ
բաց չենք թողնի>>:
Հարկ է նշել, որ Մեսսին իր ակումբի հանդեպ նույն
զգացողություններն ունի, այդ իսկ պատճառով այն բանից հետո, ինչ նրան է
շնորհվել Ոսկե խաղակոշիկը, ասել է. <<Ես միշտ էլ ասել եմ, որ Բարսելոնան իմ տունն է: Աստված տա, ես հանդես գամ այդ ակումբում մինչ
կարիերայիս ավարտը>>:
|
