Գլխավոր էջ » 2010 » Սեպտեմբեր » 24 » Մեսսին հրավիրվել է հավաքական, չնայած վնասվածքին
15:05
Մեսսին հրավիրվել է հավաքական, չնայած վնասվածքին
Արգենտինացի ֆուտբոլիստ Լիոնել Մեսսին, ով սեպտեմբերի 19-ին կոճի վնասվածք էր ստացել, հոկտեմբերի 8-ին Սայտամայում կայանալիք Ճապոնիայի հետ ընկերական հանդիպման ժամանակ հանդես կգա Արգենտինայի հավաքականի կազմում:

Բարսելոնայի հարձակվող Մեսսին բաց է թողել Իսպանիայի առաջնությունում Սպորտինգի դեմ հանդիպումը և դեռևս ի վիճակի չէ խաղադաշտ դուրս գալ:

Ամենայն հավանականությամբ Մեսսին հադես կգա Արգենտինայի հավաքականի կազմում` ելնելով Արգենտինայի և Ճապոնիայի ֆուտբոլի ասոցիացիաների միջև համաձայնագրի պայմաններից: Եթե Մեսսին խաղադաշտ դուրս գա, ապա Արգենտինայի ֆուտբոլի ասոցիացիան Ճապոնիայից 200 հազար դոլար հավելավճար կստանա:

Հիշեցնենք, որ Իսպանիայի առաջնությունում Մադրիդի Ատլետիկոյի հետ հանդիպման ժամանակ չեխ պաշտպան Տոմաշ Ույֆալուիշին հարվածել է Մեսսիին, որի հետևանքով վնասվել է վերջինիս կոճը, իսկ Ույֆալուիշին 2 խաղով որակազրկվել: Բարեբախտաբար, Մեսսիին հաջողվել է խուսափել լուրջ վնասվածքից:

Ճապոնիայի հետ հանդիպումը թվով երրորդը կլինի Արգենտինայի հավաքականի գլխավոր մարզչի պաշտոնակատար Սերխիո Բատիստայի համար: Ավելի վաղ իր ղեկավարությամբ արգենտինացիները հաղթանակ են տարել Իռլանդիայի (1:0) և Իսպանիայի (4:1) հանդեպ:
Կատեգորիա: Նորություններ | Դիտումներ: 403 | Ավելացրեց: Jannnnnnn