Գլխավոր էջ » 2010 » Օգոստոս » 19 » Իբրահիմովիչը՝ Սան–Սիրոյու՞մ։ Հնարավոր է
16:44
Իբրահիմովիչը՝ Սան–Սիրոյու՞մ։ Հնարավոր է
«Միլանի» մարզական տնօրեն Արիեդո Բրայդան հայտարարել է, որ իր ակումբը դեռ հույս ունի «Բարսելոնայից» ձեռք բերել Զլատան Իբրահիմովիչին :

«Շվեդ հարձակվողը «Սան-Սիրո» մարզադաշտու՞մ։ Դա հնարավոր է: Բանն այն է, որ Իբրահիմովիչի տրանսֆերի համար միայն ֆուտբոլիստի ցանկությունը բավարար չէ: Պետք է հաշվի առնենք «Միլանի», «Բարսայի» և Իբրահիմովիչի կարծիքը: Մի խոսքով, ամեն ինչ այնքան էլ հեշտ չէ, որքան թվում է առաջին հայացքից: Ես Զլատանին շատ լավ եմ ճանաչում: Նա բարձրակարգ հարձակվող է, ով կարող է լրջորեն ուժեղացնել մեր ակումբը: Խնդիրը կայանում է նրանում, որ ներկա պահին «Միլանում» արդեն հինգ հարձակվող կա: Եթե մենք գնենք Իբրահիմովիչին, ապա ստիպված կլինենք վաճառել նրանցից որևէ մեկին",- նշել է Բրայդան՝ Corriere Dello Sport-ին տված հարցազրույցում:

Բրայդան հերքել է "Բարսելոնայի" պաշտպան ուրուգվայցի Մարտին Կասերեսի ծառայություններով հետաքրքրված լինելու ասեկոսեները:

«Մենք առանց այդ էլ 11 պաշտպան ունենք, ովքեր հավակնում են հիմնական կազմի 4 տեղերին: Ուրուգվայցի այդ ֆուտբոլիստին մենք հաստատ չենք գնի»։                                                                                                                                 
                                                                                                                                armsport.am
Կատեգորիա: Նորություններ | Դիտումներ: 422 | Ավելացրեց: M100