Գլխավոր էջ » 2010 » Օգոստոս » 9 » Բեյջինգ Գուոան 0 - 3 Բարսելոնա
09:15
Բեյջինգ Գուոան 0 - 3 Բարսելոնա
Բարսելոնան Ասիայում իր շրջագայությունն ավարտեց հաղթանակով` Bird's Nest Stadium մարզադաշտում հաղթելով Պեկինի Գուոան թիմին: Առաջին խաղակեսում մեկական գնդակ մրցակցի դարպասն ուղարկեցին Սերխիո Ռոբերտոն և Նոլիտոն, իսկ երկրորդ խաղակեսի վերջում հաշիվը խոշոր դարձրեց Զլատան Իբրահիմովիչը:
Առաջին տասնհինգ րոպեների ընթացքում Բարսա Բ-ի ֆուտբոլիստները լավ տպավորություն թողեցին: Նրանք էլ հենց կերտեցին հաղթանակն այս խաղում` խաղասկզբին արդեն երկու անգամ գրավելով մրցակցի դարպասը: Իրեն լավագույնս դրսևորեց նաև Բարսելոնայի երկրորդ դարպասապահ Պինտոն, ով երեք անգամ այս խաղում փրկեց իր թիմին գոլից:
Չինացի երկրպագուները մի ամբողջ խաղակես ունեցան Մեսսիի տաղանդով հիանալու համար: Բարսելոնայի արգենտինացի աստղը այս խաղում մի-քանի անգամ կարող էր գոլի հեղինակ դառնալ, բայց որոշեց ներել չինացի ֆուտբոլիստներին: Թերևս ամենից շատ հիշվեցին Մեսսիի գլխով հարվածը խաղի 32-րդ րոպեին, ինչից հետո գնդակը դիպավ հորիզոնական դարպասաձողին(անսովոր էր տեսնել, թե ինչպես է Մեսսին հաղթող դուրս գալիս երկրորդ հարկում մրցակցի տուգանային հրապարակում և վտանգավոր հարվածում դարպասին), և նրա իրացրած տուգանային հարվածը:
Ինչպես նախորդ ստուգողական խաղերում, այս անգամ ևս Գվարդիոլան ընդմիջումից հետո փոխարինեց թիմի բոլոր ֆուտբոլիստներին; խաղադաշտը չլքեց միայն դարպասապահ Խոսե Մանուել Պինտոն:
Հանդիպման վերջում Բարսելոնայի երրորդ գոլն այս խաղում գեղեցիկ հարվածով խփեց Բարսայի շվեդ հարձակվող Իբրահիմովիչը:

Հանդիպման վտանգավոր պահերը և գոլերը կարող եք դիտել Վիդեո բաժնում: Դիտելու համար սեղմեք այստեղ` http://barcelonians.ucoz.com/load/videoner/beyjing_gowoan_0_3_barselona/2-1-0-32

Կատեգորիա: Նորություններ | Դիտումներ: 448 | Ավելացրեց: Barcamaniac