 Գվարդիոլան իր հետ Ասիա շրջագայության է տանում 28 խաղացողների: Առաջին թիմի 9 և Բարսա Բ-ի 17 ֆուտբոլիստներին կմիանան արձակուրդից վերադարձած Լիոնել Մեսսին և Դանի Ալվեսը: Իսկ Բոյանը և Ժեֆրենը չեն մեկնի թիմի հետ, քանի որ կանչվել են Իսպանիայի երիտասարդական հավաքականի խաղին:
Օսլոյում առաջին ստուգողական հաղից հետո Բարսան կմեկնի Ասիա շրջագայության, որի ընթացքում ստուգողական հանդիպումներ կանցկացնի Հարավային Կորեայում և Չինաստանում:
Ինչպես արդեն նշվեց, Լեո Մեսսին և Ալվեսը կմիանան Բարսելոնայի հիմնական թիմի իրենց խաղընկերներին` Պինտոյին, Միլիտոյին, Մաքսվելին, Աբիդալին, Իբրահիմովիչին, Կեյտային, Գլեբին, Ադրիանոյին և Վիկտոր Սանչեսին:
Քանի որ Իսպանիայի չեմպիոնները դեռևս չեն վերադարձել արձակուրդից, Գվարդիոլան որոշել է իր հետ Ասիա տանել Բարսա Բ-ի մի շարք ֆուտբոլիստների և փորձարկել նրանց: Բարսա Ատլետիկից Ասիա են մեկնում Մինյոն, Օյերը, Իլիեն, Սերժի Գոմեսը, Մարտի Ռիվերոլան, Ժոնաթան Դոս Սանթոսը, Սորիանոն, Արմանդոն, Դալմաուն, Բենխան, Էդու Օրիոլը, Մունյեսան, Նոլիտոն, Սերժի Ռոբերտոն և Տելյոն: Ինչպես նաև նրանց կմիանան Վիկտոր Վասկեսը և Ֆոնտասը, ովքեր դեռևս չեն վերականգնվել վնասվածքներից, բայց մեկնելու են ամբողջ թիմի հետ:
|
