Գլխավոր էջ » 2010 » Հուլիս » 27 » Մաքսվել.<<Մենք պարտք ենք երկրպագուներին և ինքներս մեզ>>
11:39
Մաքսվել.<<Մենք պարտք ենք երկրպագուներին և ինքներս մեզ>>
Երկուշաբթի օրը մամուլի ասուլիսի ժամանակ Բարսելոնայի բրազիլացի պաշտպանը ասաց, որ թիմի ֆուտբոլիստները պարտք են երկրպագուներին նախորդ մրցաշրջանում Չեմպիոնների Լիգայի կիսաեզրափակիչում Միլանյան Ինտերին պարտվելու համար: Նաև նա խոսեց առաջիկա մրցաշրջանում իրենց նպատակների, ինչպես նաև Զլատան Իբրահիմովիչի մասին` նշելով, որ շվեդ հարձակվողը կբարելավի իր խաղն այս տարի:
Մաքսվելը նշեց, որ ֆուտբոլիստները ցանկանում են հաղթել ամեն հնարավոր մրցանակ, որպեսզի քավեն իրենց մեղքը Չեմպիոնների Լիգայի կիսաեզրափակիչից դուրս մնալու համար.<<Մենք սայթաքեցինք վերջին քայլից առաջ և զգում ենք, որ պարտք ենք երկրպագուներին և ինքներս մեզ>>:
Նա նաև խոսեց Իբրահիմովիչի մասին, ում հետ նա խաղացել է Ամստերդամի Այաքսում և Միլանի Ինտերում.<<Չնայած տարին նրա համար դժվար էր, բայց նա լի է վճռականությամբ: Նա շատ լավ բաներ արեց, ինչը մարդիկ չգնահատեցին, բայց թիմում նրան բարձր են գնահատում, իսկ ինքն էլ շատ լավ է մարզվում>>:
Մաքսվելը նշեց, որ ինքը շատ ուրախ է Բարսայի նոր ձեռքբերման համար.<<Շատ լավ է, որ մենք ձեռք բերեցինք Ադրիանոյին: Նա թիմին ավելի նպատակասլաց կդարձնի: Մարզումների ժամանակ ես փորձում եմ նրա կողքին լինել, որպեսզի օգնեմ: Ես ցանկանում եմ օգնել նրան և նրա ընտանիքին հնարավորինս շուտ հարմարվել այս քաղաքին>>:
Վերջապես Մաքսվելը խոսեց նաև Ջիո վան Բրոնքհորստի մասին, ով երկու օր առաջ ավարտեց իր ֆուտբոլային կարիերան Ֆեյենորդի և Մալյորկայի միջև հրաժեշտի խաղից հետո.<<Երբ ես նիդեռլանդներում էի խաղում, միշտ հետևում էի նրա խաղին հավաքականում: Նա հիանալի կարիերա է անցել և բազմաթիվ մրցանակներ է հաղթել: Ինձ շատ դուր եկավ այն, թե ինչպես նա ավարտեց իր կարիերան: Ցանկանում են նրան ամենայն բարիք>>:
Կատեգորիա: Մամուլի ասուլիսներ և հարցազրույցներ | Դիտումներ: 476 | Ավելացրեց: Barcamaniac | Տեգեր: Մաքսվել