 Իսպանիայի հավաքականի կիսապաշտպան Չավի Էրնանդեսը Sport.es-ին տված հարցազրույցում հայտարարել է, որ չափազանց ուրախ է աշխարհի չեմպիոն ճանաչվելու կապակցությամբ:
«Ես շատ երջանիկ եմ, քանի որ աշխարհի չեմպիոնի տիտղոսը ոչնչի հետ հնարավոր չէ համեմատել: Պետք է ասեմ, որ մենք արդարացի հաղթեցինք, քանի որ ցուցադրում էինք հարձակվողական ֆուտբոլ:
«Բարսելոնայի» և ազգային թիմի խաղերի միջև շատ ընդհանուր բան կա, քանի որ երկուսն էլ հիմնականում հարձակվողական ֆուտբոլ են ցուցադրում: Սակայն չի կարելի ասել, որ հավաքականը «Բարսելոնայի» խաղաոճով է հանդես գալիս: Այն ունի իր ուրույն խաղային ռազմավարությունը:
Իհարկե, հավաքականի կազմում հանդես են գալիս «Բարսելոնայի» մի շարք ֆուտբոլիստներ, բայց ամեն դեպքում սխալ կլիներ ասել, որ նրանք միևնույն ֆուտբոլն են ցուցադրում», - Չավիի խոսքերը մեջբերում է Championat-ը: armsport.am
|
