Այսօր Ադրիանո Կորրեիան չորս տարվա պայմանագիր է ստորագրել ակումբի հետ` պաշտոնապես դառնալով Բարսելոնայի ֆուտբոլիստ: պայմանագիրը նախատեսում է չորս տարի ժամկետ, որը կարող է դրա ավարտից հետո երկարաձգվել: Բրազիլացի պաշտպանի տրանսֆերային արժեէը կազմել է 9,5 միլիոն եվրո: Գնման դեպքում փոխհատուցման արժեքը սահմանվել է 90 միլիոն եվրո: Ադրիանոն կկրի 21 համարի մարզաշապիկը, որն ազատվել է Դմիտրի
Չիգրինսկիի հեռանալուց հետո: 25-ամյա բրազիլացին դարձավ այս ամառ Բարսելոնայի երկրորդ ձեռքբերումը(մինչ այս Բարսելոնա էր տեղափոխվել Դավիդ Վիլյան): Ադրիանոն կներկայացվի որպես Բարսելոնայի ֆուտբոլիստ երկուշաբթի օրը Կամպ Նոու մարզադաշտում, սակայն դա տեղի կունենա փակ դռների ետևում, քանի որ մարզադաշտում նորոգման աշխատանքներ են կատարվում: Դրանից հետո Բարսայի նորեկը մամուլի ասուլիսի ժամանակ կպատասխանի լրագրողների հարցերին: