 «Բարսելոնայի» հարձակվող Տիերի Անրին մեկնաբանել է իր տեղափոխությունը ամերիկյան «Նյու-Յորք Ռեդ Բուլս» ակումբ, որի հետ նա մի քանի տարվա պայմանագիր է ստորագրել :
«Նոր, հետաքրքիր փուլ է սկսվում իր կարիերայում և կյանքում: Ինձ համար մեծ պատիվ է խաղալ «Նյու-Յորք Ռեդ Բուլզում»: Ես ծանոթ եմ այս ակումբի պատմությանը: Իմ միակ խնդիրն է՝ թիմին օգնել վերջապես երկրի չեմպիոն դառնալ»,- ասել է Անրին: Նաև ասենք որ Անրին նույպես կկրի իր մշտական 14 համար մարզաշապիկը:
«Բարսելոնայի» կազմում հարձակվողը հաղթել է Չեմպիոնների լիգան, երկու անգամ Իսպանիայի առաջնությունը, երկրի գավաթը, Իսպանիայի սուպերգավաթը, ՈւԵՖԱ-ի սուպերգավաթը և աշխարհի ակումբային առաջնությունը` խփելով 49 գնդակ:
Թերևս, իր ամենաաստղային պահերը Անրին ապրել է Լոնդոնի «Արսենալի» կազմում, որտեղ նա ճանաչվել է ակումբի ողջ պատմության մեջ լավագույն ռմբարկուն` աչքի ընկնելով 226 անգամ: Անրին նաև 4 անգամ դարձել է Անգլիայի առաջնության լավագույն ռմբարկուն և երկու անգամ անգլիական Պրեմիեր լիգայի չեմպիոն ճանաչվել:
|
