Գլխավոր էջ » 2010»Հուլիս»14 » FIFA-ի աղյուսակում Իսպանիան առաջատարն է` հսկայական առավելությամբ
20:26
FIFA-ի աղյուսակում Իսպանիան առաջատարն է` հսկայական առավելությամբ
Ֆուտբոլի միջազգային ֆեդերացիան հրապարակել է ազգային հավաքականների դասակարգման աղյուսակը: Աշխարհի նորընծա չեմպիոն Իսպանիան 1833 վարկանիշով բարձրացել է առաջին տեղ: Փոխչեմպիոն Հոլանդիան երկրորդն է: Նախկին առաջատար Բրազիլիան նահանջել է երրորդ հորիզոնական: Տասը տեղով բարձրացել է աշխարհի առաջնության կիսաեզրափակիչի մասնակից Ուրուգվայի հավաքականը եւ այժմ 6-րդն է: Սակայն ամենամեծ առաջընթացն ունեցել է Նոր Զելանդիան, որը Հարավային Աֆրիկայում պարտություն չկրեց` երեք ոչ ոքի անելով եւ բարձրացել է 24 կետ:
Նոր Զելանդիան 54-րդն է:
Աշխարհի չեմպիոնի տիտղոսը պաշտպանել չկարողացած Իտալիան դուրս է մնացել տասնյակից եւ 11-րդն է: 12 աստիճան իջել է Ֆրանսիան եւ ընդամենը 21-րդն է:
Հայաստանի ազգային հավաքականը բարձրացել է 4 աստիճանով եւ այժմ զբաղեցնում է 96-րդ տեղը:
