Արգենտինայի հավաքականի հարձակվող Լիոնել Մեսսին հայտարարել է, որ ազգային թիմն իր ելույթներից կախված չէ: «Բարսելոնայի» խաղացողը նշել է, որ ալբիսելեստեի բոլոր ֆուտբոլիստները շատ բարձր մակարդակ ունեն:«Մեր թիմն ինձնից կախված չէ:Այնտեղ հանդես են գալիս այնպիսի ֆուտբոլիստներ, ովքեր ընդունակ են ինքնուրույն վճռելու խաղի ելքը: Ես ինքս կախվածություն եմ. ինձ պետք է գնդակներ մատակարարեն: Հավաքականում ես բացասական և դրական պահեր եմ ունեցել, սակայն այժմ շատ գոհ եմ, թե ինչպես են ընթանում գործերը»,-ասել է Մեսսին: Այն ֆուտբոլիստներից, ովքեր իրենց դժգոհությունն են հայտնել աշխարհի 2010 թ. առաջնության գնդակից, դարձել է նաև Մեսսին: Նա խոստովանել է, որ անհարմարավետություն է զգում «Ջաբուլանիի» հետ վարվելիս: «Դարպասապահների և մյուս խաղացողների համար շատ դժվար գնդակ է: Չնայած հույս ունեմ, որ այդ գնդակի առանձնահատկություններին հնարավորինս շուտ կընտելանանք,-ասել է Մեսսին:
|