Օրը` հունիսի 16(չորեքշաբթի), 18:00 Մարզադաշտ` Դուրբան Մրցավար` Հովարդ Վեբ(Անգլիա) Այսօր աշխարհի գավաթի համար պայքարը կսկսեն Եվրոպայի չեմպիոնները, իսկ նրանց կազմում Բարսելոնայի 8 ֆուտբոլիստներ: Առաջնությունից առաջ Իսպանացիների մարզիչ Վիսենտե դել Բոսկեն մտահոգվելու լուրջ պատճառներ ուներ. վնասվածք էին ստացել Անդրես Ինիեստան և Ֆերնանդո Տորրեսը: Բարսելոնայի կիսապաշտպանը հասցրել է ամբողջությամբ վերականգնվել և կկարողանա մասնակցել Կարմիր Ֆուրիայի մեկնարկային խաղին: Սակայն մարզիչը կարող է խնայել Ինիեստային և նրա փոխարեն մեկնարկային կազմում ընդգրկել Վալենսիայի կիսապաշտպան Խուան Մատային: Իսկ Լիվերպուլի հարձակվողը ստիպված կլինի Շվեյցարիայի հանդիպումը դիտել փոխարինողների նստարանից: Տորրեսը չի հասցրել ապաքինվել վնասվածքից, և հավանաբար իսպանացիները կխաղան մեկ հարձակվողով: Ամեն դեպքում Իսպանիայի հավաքականը առանց այդ էլ ուժեղ կազմ ունի, և Ինիեստայի վերադարձով ամենայն հավանականությամբ մեկնարկային կազմում չի հայտնվի Սեսկ Ֆաբրեգասը: Շվեյցարիայի հավաքականը ավելի լուրջ խնդիրներ ունի, քանի որ վնասվածքներ ունեն Վալոն Բերամին և թիմի առաջատար Ալեքսանդր Ֆրայը: Նշված ֆուտբոլիստները բաց կթողնեն ահեղ մրցակցի դեմ հանդիպումը: Կիսապաշտպանությունում աջից հավանաբար կխաղա Ինգլերը, իսկ հարձակման գծում Ֆրային կփոխարինի երիտասարդ Դերդիյոկը: Չնայած Շվեյցարիայի հավաքականի բավական լավ կազմին` առաջնությունից առաջ ստուգողական հանդիպումները մտահոգվելու առիթ տվեցին նրանց: Իտալիայի հետ ոչոքիից բացի շվեյցարացիները պարտվեցին Կոստա Ռիկային, Ուրուգվային և Նորվեգիային: Սակայն հավաքականն ունի Օտտմար Հիցֆելդի պես մարզիչ, ով կարողանում է իր թիմին նախապատրաստել կարևոր մրցաշարերին: