Գլխավոր էջ » 2010 » Հունիս » 15 » Տուրեն և Ալվեսը միանում են պայքարին
17:16
Տուրեն և Ալվեսը միանում են պայքարին
Այսօր Յայա Տուրեն և Դանի Ալվեսը պատրաստվում են նշել իրենց դեբյուտը աշխարհի 2010 թվականի առաջնությունում:  Յայա Տուրեի Կոտ դ'Իվուարն ուժերը կչափի պորտուգալացիների հետ(19:00), իկս Ալվեսի Բրազիլիայի հավաքականին դիմակայելու է Հյուսիսային Կորեան(23:30):
Կոտ դ'Իվուարի հավաքականում սպասում են իրենց հարձակվող Դիդիե Դրոգբայի վերադարձին, ով դեռ ամբողջովին չի վերականգնվել ձեռքի վնասվածքից հետո: Սակայն Տուրեն վստահ է, որ առանց նրա էլ իրենք ուժեղ են.<<Մենք հիանալի թիմ ունենք և պատրաստվում ենք դա ապացուցել Պորտուգալիայի դեմ խաղի ժամանակ>>:
Չնայած Բրազիլիայի հավաքականի մարզիչ Դունգան  ավելի հաճախ գերադասում է
թիմի հիմնական կազմում ընդգրկել Միլանյան Ինտերի խաղացող Մայկոնին` Ալվեսը կարող է հենց այսօր իր առաջին խաղն անցկացնել աշխարհի առաջնությունում: Հնարավոր է, որ Դունգան Ալվեսին օգտագործի այլ դիրքում` օգտվելով Բարսելոնայում այլ դիրքերում խաղալու Ալվեսի փորձը: <<Ես ուրախ եմ, որ այստեղ եմ գտնվում: Դունգան հասել է նրան, որ թիմում ոչ ոք իրեն չի զգում որպես հիմնական կազմի խաղացող կամ փոխարինող: Դա շատ կարևոր է ոիմի համար: Ճիշտն ասած, ես չեմ մտահոգվում այն մասին, թե հիմնական կազմում կհայտնվեմ, թե ոչ: Ես երջանիկ եմ, որ մասնակցում եմ աշխարհի առաջնությանը, և դա արդեն բավական է ինձ համար>>:
Կատեգորիա: Նորություններ | Դիտումներ: 455 | Ավելացրեց: Barcamaniac | Տեգեր: Տուրե, Աշխարհի առաջնություն, Ալվես