Գլխավոր էջ » 2010 » Հունիս » 6 » Լապորտա.<<Սեսկի վերաբերյալ բանակցությունները շարունակվում են>>
19:53
Լապորտա.<<Սեսկի վերաբերյալ բանակցությունները շարունակվում են>>
Ժոան Լապորտան հայտարարել է, որ Բարսելոնայի և Արսենալի միջև լոնդոնյան թիմի ավագ Սեսկ Ֆաբրեգասի տրանսֆերի վերաբերյալ բանակցությունները դեռ շարունակվում են: Արսենալը մերժել է Բարսայի առաջին առաջարկը, որը կազմում էր 35 միլիոն եվրո Ֆաբրեգասի համար:
Լապորտայի կարծիքով առաջարկված գումարը համապատասխանում է ֆուտբոլիստի այժմյան շուկայական արժեքին: Այնուամենայնիվ, ակումբի նախագահի խոսքերով, Բարսելոնան դեռ չի շտապում հանձնվել: <<Չիկի Բեգիրիստայնը կորոշի, թե ինչպես է պետք վարվել>>,- ասել է Լապորտան:
<<Բանակցությունները դեռ շարունակվում են: Ես վստահ եմ, որ Արսենալը ճիշտ կհասկանա ստեղծված իրադրությունը: Ֆաբրեգասի համար լավ կլինի, որ կողմերը համաձայնության գան մինչև աշխարհի առաջնությունը: Բայց բանակցությունները բարդ են լինելու, և մենք կհարգենք Արսենալի որոշումը>>,- շարունակել է իր խոսքը նախագահը:
լապորտան խոսեց նաև Յայա Տուրեի ակումբից հեռանալու հնարավորության մասին.<<Մենք ցանկանում ենք, որ նա մնա ակումբում, բայց եթե նա որոշի հեռանալ, մենք կընդունենք նրա ցանկությունը>>:
Բարսսայի նախագահին հարցրին նաև Զլատան Իբրահիմովիչի ապագայի մասին, ինչին Լապորտան պատասխանեց կարճ.<<Նա չի վաճառվում>>:
Կատեգորիա: Մամուլի ասուլիսներ և հարցազրույցներ | Դիտումներ: 508 | Ավելացրեց: Barcamaniac | Տեգեր: Տուրե, Իբրահիմովիչ, Լապորտա, Ֆաբրեգաս