Ֆրանսիայի հավաքականը մասնակցել է 10 աշխարհի առաջնությունների: Սակայն ֆրանսիացիների համար այն առաջին անգամ հաղթական եղավ 1998 թվականին, երբ նրանք իրենց հայրենիքում դարձան աշխարհի չեմպիոն: Ֆրանսիացիները Հարավային Աֆրիկայի ուղեգիր են վաստակել շնորհիվ Թիերի Անրիի կողմից կոնոնների խախտման արդյունքում խփած գոլի: Ընտրական խմբային փուլում Էրիկ Աբիդալի և Անրիի ֆրանսիայի հավաքականը գրավել էր երկրորդ տեղը ետ մնալով Սերբիայից: Որակավորման փուլում նրանց բաժին էր ընկել Իռլանդիան: 180 րոպե երկխաղյա հակամարտությունից հետո լրացուցիչ ժամանակում Անրին ձեռքով գնդակը փոխանցեց խաղընկերոջը, ով այդ <<փոխանցումից>> հետո գրավեց Իռլանդիայի հավաքականի դարպասը: Այդ գոլը դուրս բերեց Ֆրանսիայի հավաքականը աշխարհի գավաթի եզրափակիչ փուլ: Անրիի համար սա կլինի իր կարիերայում չորրորդ աշխարհի առաջնությունը, որին ինքը մասնակցել է: Առաջին մասնակցության ժամանակ նա դարձավ աշխարհի չեմպիոն, երկրորդ դեպքում չկարողացավ հաղթահարել խմբային փուլը, իսկ երրորդ փորձի ժամանակ Ֆրանսիայի հավաքականը հասավ մինչև եզրափակիչ` չեմպիոնությունը զիջելով Իտալիային: Աբիդալի համար սակ կլինի երկրորդ Մունդիալը, որին նա կմասնակցի: Առաջին անգամ նա մասնակցել է է աշխարհի առաջնությանը 2006 թվականին Գերմանիայում, որտեղ 6 անգամ խաղադաշտ դուրս եկավ հիմնական կազմում: Խմբային փուլում Ֆրանսիայի մրցակիցները կլինեն տանտերերի` ՀԱՀ-ի հավաքականը, Ուրուգվայը և և Ռաֆա Մարկեսի Մեքսիկան: Ֆրանսիացիներին բավական լուրջ թիմեր են բաժին ընկել: Այժմ Դոմենեկի ֆուտբոլիստները պետք է ապացուցեն, որ իրենց հայտնվելն աշխարհի առաջնությունում ոչ թե պատահականություն էր, այլ օրինաչափություն: