«Բարսելոնայի» կիսապաշտպան Չավին կիսվել է իր տպավորությունների մասին հարձակվող Դավիդ Վիլյայի «կապտանռնագույնների» շարքեր տեղափոխվելու կապակցությամբ. «Հիանալի նորություն է Վիլյայի ու մեզ համար: Նա միանգամից կհարմարվի մեր խաղաոճին ու իր գոլերով ու փայլուն ֆուտբոլով կօգնի մեզ հաջորդ մրցաշրջանում: Վիլյան արագ կարող է հարմարվել «Բարսելոնայի» խաղաոճին: Նա արդեն դա արել է Իսպանիայի հավաքականում, որտեղ մենք խաղում ենք «Բարսայի» նման ու որտեղ կան մի շարք ֆուտբոլիստներ մեր թիմից: «Վալենսիայում» նա ցուցադրում էր, որ հանգիստ կարող է գործել եզրերից յուրաքանչյուրում, էլ չենք խոսում կենտրոնական հարձակվողի դիրքի մասին»,- ասել է Չավին«Բարսելոնայի» պաշտոնական կայքին տված հարցազրույցում: