«Վալենսիայի» հարձակվող Դավիդ Վիլյան ուրբաթ օրը կտեղափոխվի «Բարսելոնա»: Ֆուտբոլիստը Բարսելոնա կժամանի հինգշաբթի երեկոյան: Ուրբաթ նա բուժհետազոտություն կանցնի և կստորագրի 4 տարվա պայմանագիրը` ևս մեկ մրցաշրջանով երկարաձգելու հնարավորությամբ, հաղորդում է կատալոնցիների պաշտոնական կայքը: Հարձակվողի տրանսֆերը «Բարսելոնայի» համար կարժենա 40 մլն եվրո: Ուրբաթ Վիլյան պաշտոնապես մուտք կգործի «Կամպ Նոու»: Հիշեցնենք, որ Իսպանիայի առաջնությունում Վիլյան անց է կացրել 32 խաղ և խփել 21 գնդակ: