Համաձայն Goal.com կայքի վարկածի` «Բարսելոնայի» ուկրաինացի լեգիոներ Դմիտրի Չիգրինսկին ընդգրկվել է իսպանական Պրիմերայի 2009-2010թթ. մրցաշրջանի վատագույն խաղացողների խորհրդանաշական հավաքականում: Չիգրինսկու տրանսֆերը կարելի է համարել եվրոպական մրցաշրջանի ամենաանհաջողներից մեկը: Հիշեցնենք, որ Դոնեցկի «Շախտյորի» նախկին կենտրոնական պաշտպանը «Բարսա» է տեղափոխվել 25 մլն եվրոյի դիմաց, ինչից հետո կատալոնացիների կազմում հանդես է եկել մոտ 10 հանդիպումներում: «Խերեսի» հետ սարսափելի խաղը, որի ժամանակ նա չէր կարողանում նույնիսկ պահել գնդակը, կարող է դառնալ Չիգրինսկու վերջին խաղը իսպանական թիմում: Ամենայն հավանականությամբ, Գվարդիոլան մինչև հաջորդ մրցաշրջանի սկիզբը նրան ետ կուղարկի Արևելյան Եվրոպա: Պրիմերայի հակահավաքականում Չիգրինսկուն մենակ չեն թողել «Տեներիֆեի» դարպասապահ Սերխիո Արագոնեսեսը (74 գոլ 38 խաղում), պաշտպաններ Ռաֆայել Սաստրեն («Սպորտինգ»), Գոնսալո Ռոդրիդեսը («Վիլյառեալ»), Դավիդ Պրիետոն («Խերես»), կիսապաշտպաններ Շունսուկե Նակամուրան («Էսպանյոլ»), Լուի Գարսիան («Ռասինգ»), Ժարմեն Պենանը («Սարագոսա»), հարձակվողներ Բեն Սախարը («Էսպանյոլ») և Մանուչոն («Վալյադոլիդ»), ինչպես նաև Տիերի Անրին «Բարսելոնայից»: