Աշխարհի լավագույն ֆուտբոլիստը վստահ է, որ հանուն հարազատ թիմի կարելի է հազար ու մի անգամ ասել <<ոչ>>:
- Այս առաջնությունը Ձեզ համար առանձնահատու՞կ է: Չէ՞ որ ստիպված էիք ավելի շատ աշխատել, քան սովորաբար:
- Այո, հիմա ես շատ լարված եմ ապրում: Անկասկած, այս առաջնությունն առանձնահատուկ էր, քանի որ այնքան բան տեղի ունեցավ այս տարի: Բացի այդ մինչև վերջ Ռեալը թույլ չէր տալիս մեզ հանգստանալ:
- Նաև այն, որ Դուք <<համար մեկն>> եք աշխարհում...
- Ես խաղում եմ այնպես, ինչպես միշտ: Այն, որ ես <<համար մեկն>> եմ, ինձ համար ոչինչ չի փոխել խաղադաշտում և կյանքում:
- Իհարկե: Բայց մինչ այդ հարկավոր է հաղթել Վալյադոլիդին, իսկ հետո ինչպես հարկն է տոնել մեր երկրպագուների հետ միասին:
- Ե՞րբ կտեսնենք Ձեզ ավագի թևկապով:
- Չգիտեմ: Բարսայում մենք մեծագույն ավագներ ունենք, ովքեր հիանալի ֆուտբոլիստներ են: Բայց, անկասկած, մի օր ես էլ կցանկանամ թիմի ավագ դառնալ:
- Չեմպիոնների լիգայի հաղթանակը տոնելիս Դուք խոստացաք, որ նորից կհաղթեք այն: Հիշու՞մ եք:
- Քիչ թե շատ այո:
- Արդյունքում չստացվեց...
- Ինևէ: Մեզ մի փոքր չհերիքեց դա անելու համար: Եթե մեր բախտը բերեր այնպես, ինչպես անցյալ տարի Ինիեստայի գոլի ժամանակ, ապա այժմ մենք եզրափակիչում կլինեինք: Բայց ամեն տարի չի հաջողվում այն հաղթել: Բարսելոնան ընդամենը երեք անգամ է իր պատմության ընթացքում նվաճել Չեմպիոնների Լիգահի գավաթը: Հաջորդ տարի մենք կվերադառնանք ավելի մեծ ուժերով:
- Լավ է, որ ֆուտբոլում ժամանակ չի լինում խորհել անցյալի մասին:
- Այո, դա այդպես է: Ժամանակը շատ արագ է անցնում: Կարևոր է միայն ներկան: Ես չեմ սիրում հայացք նետել դեպի անցյալը, քանի որ գլուխս սկսում է պտտվել:
- Ձեզ չե՞ն նյարդայնացնում Ձեր և Քրիշտիանու Ռոնալդուի համեմատությունները:
- Ես ոչ ոքի հետ չեմ մրցակցում անհատապես: Իմ նպատակը հնարավորինս լավ խաղալն է թիմի համար:
- Քրիշտիանու Ռոնալդուն իր հարցազրույցներից մեկի ժամանակ չի բացառել, որ երբևիցէ կարող է հայտնվել Բարսելոնայում` ասելով, որ երբեք չգիտես, թե ինչ կլինի ապագայում: Լեո Մեսսին նմանապե՞ս է վկերաբերվում Ռեալին:
- Բանն այն է, որ ես ինձ չեմ պատկերացնում Ռեալում կամ որևէ այլ ակումբում: Իհարկե, երբեք չես կարող իմանալ, թե ինչ կլինի ապագայում, բայց ես կրկնում եմ, որ սեփական կամքով երբեք չեմ հեռանա Բարսելոնայից: Ես դեռ շատ երկար տարիներ եմ ցանկանում խաղալ այստեղ:
Աշխարհի լավագույն ֆուտբոլիստը վստահ է, որ հանուն հարազատ թիմի կարելի է հազար ու մի անգամ ասել <<ոչ>>: