Գլխավոր էջ » 2010 » Մայիս » 12 » Ռոնալդուն չի հերքել, որ մի օր կարող է տեղափոխվել Բարսա
19:09
Ռոնալդուն չի հերքել, որ մի օր կարող է տեղափոխվել Բարսա
 Մադրիդի «Ռեալի» պորտուգալացի կիսապաշտպան Կրիշտիանու Ռոնալդուն հայտարարել է, որ նա գոհ է «Արքայական ակումբում» անցկացրած իր առաջին մրցաշրջանից, չնայած շատ է ցանկանում իր նոր թիմի հետ տիտղոսներ նվաճել:


Սակայն նա վստահ է, որ մոտ ապագայում մադրդիստներին բազմաթիվ հաղթանակներ են սպասվում, չնայած ընթացիկ մրցաշրջանում Իսպանիայի չեմպիոն դառնալու հնարավորությունները քիչ են.


«Ես գոհ եմ իմ առաջին սեզոնից «Ռեալում», համարում եմ, որ այն ինձ համար հաջող ստացվեց: Միակ բանը, որն առայժմ ինձ չի բավարարում` նվաճած տիտղոսներն են: Ես ինձ լավ եմ զգում Մադրիդում. Խաղընկերներն ինձ օգնեցին արագ մերվել թիմին, բայց առայժմ ակումբը ոչինչ չի հաղթել: Մեզ պետք է շարունակել պայքարել, և ես վստահ եմ, որ ապագայում մենք կնվաճենք բազմաթիվ տիտղոսներ:


Իսպանական Պրիմերան հաղթել դժվար է լինելու, բայց ֆուտբոլում անհնարին ոչինչ չի լինում: Մենք դեռ չեմպիոնության հնարավորություններ ունենք: Պետք է հաղթել Մալագայում և սպասել Բարսելոնայում կայանալիք հանդիպման արդյունքին: Մինչև վերջ պետք է հուսանք:


Ինչ վերաբերում է Մոուրինյոյին, ապա նրա հաջողությունները շատ բանի մասին են խոսում: Նա լավ մազրիչ է, եթե տիտղոսներ է նվաճում: Դա պատահականություն չէ: Բայց ներկա պահին «Ռեալի» գլխավոր մարզիչն է Մանուել Պելլեգրինին, և նա ինձ ավելի շատ է ձեռք տալիս:


Կարող եմ արդյոք տեղափխվել «Բարսելոնա»: Մադրիդն իմ տունն է, իսկ «Ռեալը»` իմ ակումբը, բայց երբեք մի ասա երբեք: Ես չգիտեմ, թե ինչ տեղի կունենա ապագայում, բայց առայժմ ցանկանում եմ մնալ «Ռեալում» մինչև կարիերայիս ավարտը»,- ասել է Ռոնալդուն The Guardian-ին տված հարցազրույցում: 


Կից նյութեր: Նկար 1
Կատեգորիա: Նորություններ | Դիտումներ: 878 | Ավելացրեց: ԲարսաՖան | Տեգեր: Ռոնալդու