 «Deloitte» հեղինակավոր աուդիտորական կազմակերպությունը ներկայացրել է իր հերթական հաշվետվությունը, որը վերաբերում է 2008/09 մրցաշրջանի ավարտին աշխարհում ամենամեծ եկամուտներ ունեցող 20 ֆուտբոլային ակումբներին:
Համաձայն ներկայացված հաշվետվության, 5-րդ տարին անընդմեջ, աշխարհի ամենաեկամտաբեր թիմը Մադրիդի «Ռեալն» է, որի եկամուտները հաշվետու մրցաշրջանի ընթացքում կազմել են ուղիղ 401,4 միլիոն եվրո: 1 տարվա ընթացքում բոլոր հնարավոր մրցանակները նվաճած իսպանական մյուս գրանդ ակումբը՝ «Բարսելոնան», եկամտաբերությամբ կարողացել է շրջանցել անցյալ տարվա տվյալներով 2-րդ հորիզոնականում ընթացող անգլիական «Մանչեսթեր Յունայթեդին» ու հիմա 2-րդ տեղում է: Հետաքրքիր է, որ ամենաշահութաբեր 20 թիմերի շարքում այլ իսպանական ակումբներ չկան: Իսկ ընդհանուր առմամբ, ըստ «Deloitte»-ի վերլուծաբանների, աշխարհի ամենաեկամտաբեր 20 թիմերի շարքում են անգլիական 7, գերմանական 5, իտալական 4, ֆրանսիական ու իսպանական 2-ական թիմեր: Ներկայացնենք առաջին տասնյակը` նշելով հաշվետու ժամանակաշրջանում ստացված եկամուտը (միլիոն եվրո):
1. «Ռեալ» 401,4
2. «Բարսելոնա» 365,9
3. «Մանչ. Յուն.» 327,0
4. «Բավարիա» 289,5
5. «Արսենալ» 263,0
6. «Չելսի» 242,3
7. «Լիվերպուլ» 217,0
8. «Յուվենտուս» 203,2
9. «Ինտեր» 196,5
10. «Միլան» 196,5
|
