 «Սևիլիայի» կիսապաշտպան Խեսուս Նավասը հայտարարել է, որ նա և իր խաղընկերները պատրաստվում են անել ամեն ինչ շաբաթ օրը կայանալիք Իսպանիայի առաջնության 37-րդ տուրի շրջանակներում կատալոնական «Բարսելոնային» հաղթելու և Չեմպիոնների Լիգայի ուղեգրի համար պայքարում իրենց դիրքերը բարելավելու համար.
«Առջևում մեզ շատ բարդ և հետաքրքիր հանդիպում է սպասվում «Բարսելոնայի» հետ: Մենք պատրաստվում ենք անպայման հաղթել, քանզի պայքարում ենք չեմպիոններիլիգայական ուղեգրի համար: Ճիշտ է` կատալոնացիները պայքարում են չեմպիոնական տիտղոսի համար, սակայն մենք էլ պակաս մոտիվացիա չունենք:
Մենք պետք է դուրս գանք խաղադաշտ առավելագույնս կենտրոնացված և առաջին րոպեներից ճնշում գործադրենք մրցակցի վրա: Վերջին հանդիպումներում մենք հենց այդպես ենք գործում»,- Նավասի խոսքերը մեջբերում է Marca-ն:
|
