Իսպանական Պրիմերայի 36-րդ տուրում կատալոնական «Բարսելոնան» սեփական հարկի տակ` «Կամպ Նոու» մարզադաշտում, 4:1 հաշվով առավելության հասավ «Տեներիֆեի» նկատմամբ ու շարունակում է գլխավորել մրցաշարային աղյուսակը:
«Կապտանռնագույններն» այս հաղթանակից հետո վաստակեցին 93 միավոր և Իսպանիայի առաջնությունների նոր ռեկորդ սահմանեցին:
Նախկին ռեկորդը պատկանում էր «Ռեալին», որ 1996/97 թթ. մրցաշրջանում հավաքել էր 92 միավոր (թիմը մարզում էր իտալացի Ֆաբիո Կապելլոն), սակայն այդ ժամանակ առաջնությունում մասնակցում էր 22 թիմ, այլ ոչ թե 20:
Այդուհանդերձ, կատալոնացիները կարող են դրանով չսահմանափակվել, քանզի Պրիմերայի ավարտին դեռ երկու տուր կա: Վերջին երկու խաղում «Բարսելոնան» ուժերը չափելու է «Սևիլիայի» ու «Վալյադոլիդի» հետ:
