Բարսելոնան վստահ հաղթանակ տարավ Էլ Մադրիգալ մարզադաշտում Վիլյառեալի նկատմամբ` ապացուցելով, որ Չեմպիոնների Լիգայից դուրս մնալը բոլորոին չի ընկճել թիմին: Բոյանիու Չավիի գոլերի և Մեսսիի դուբլի շնորհիվ Բարսելոնան շարունակում է գլխավորել Իսպանիայի առաջնության մրցաշարային աղյուսակը` իր ակտիվում ունենալով արդեն 90 միավոր: Թիմերը խաղին հենց սկզբից արագ տեմպ հաղորդեցին, և առաջին տասը րոպեների ընթացքում կողմերը կարող էին արդեն բացել խաղի հաշիվը: Հատկապես նպաստավոր դիրքերից երկու անգամ վրիպեց Նիլմարը: Չիրացրած պահերի համար տանտերերին պատժեցին Չավին և Մեսսին: 18-րդ րոպեին Չավիի փոխանցումից հետո Մեսսին ընդունեց գնդակը մրցակցի տուգանային հրապարակում, շրջվեց և հարվածեց դարպասի մոտակա անկոյւնը` հաշիվը դարձնելով 0-1: Տանտերերի դարպասը երկրորդ գոլն ուղարկեց Չավին` գեղեցիկ հարվածով իրացնելով տուգանայինը: 42-րդ րոպեին հերթը հասավ Բոյան Կռկիչին, ով գեղեցիկ կերպով շրջանցեց պաշտպանին ու դուրս եկավ դարպասապահի հետ հանդիպման, այնուհետև կլորին ուղարկեց դարպասի ձախ անկյունը:Բարսելոնան ընդմիջման գնաց հարմարավետ 0-3 հաշվով: Երկրորդ խաղակեսում թիմերը փոխանակվեցին մեկական գոլերով: նախ Լյորենտեն կրճատեց հաշիվը, իսկ այնուհետև Մեսսին չորրորդ գնդակն ուղարկեց Վիլյառեալի դարպասը:
Բարսելոնան վստահ հաղթանակ տարավ Էլ Մադրիգալ մարզադաշտում Վիլյառեալի նկատմամբ` ապացուցելով, որ Չեմպիոնների Լիգայից դուրս մնալը բոլորոին չի ընկճել թիմին: