Խաղից առաջ տված մամուի ասուլիսի ժամանակ Խոսեպ գվարդիոլան վստահեցրեց, որ. <<Բարսան առաջին րոպեներից դաշտ դուրս կգա հաղթելու համար>>:
Գվարդիոլան նշեց, որ իր ֆուտբոլիստները պատրաստվում են ցուցադրել իրենց ֆուտբոլը.<<Ո՞րն է դա: Գեղեցիկ ֆուտբոլ խաղալ, ջանասիրաբար աշխատել, տիրել գնդակին և այն արագ տեղաշարժել դաշտում, ինչքան հնարավոր է շատ գրոհել մրցակցին. սա է մեր ֆուտբոլը>>:
Իմանալով, որ
երկրպագուները պատրաստվում են գնալ Կամպ Նոու և ամեն կերպ աջակցել իրենց`
Գվարդիոլան շնորհակալություն հայտնեց նրանց.<<Մենք շատ ուրախ ենք, որ երկրպագուներն այսքան ոգևորված են: Նրանք
կգան և կաջակցեն մեզ: Նրանք ձեռք կմեկնեն այն 11 ֆուտբոլիստներին, ովքեր
դաշտում կլինեն և ամեն ինչ կներդնեն, որպեսզի հաղթեն: Խաղացողները ոչ մի
վայրկյան չեն դադարի վազել, նրանք կտեղաշարժվեն գնդակով ինչքան հնարավոր է
արագ: Վերջիվերջո մենք պետք է ինչ-որ կերպ մեր շնորհակալությունը հայտնենք
մեր երկրպագուներին>>:
Վերջում Գվարդիոլան ասաց, որ անկախ նրանից, թե ինչպես կավարտվի այս խաղը. «Այժմ թիմում հավաքված է ֆանտաստիկ ֆուտբոլիստների սերունդ: Անկախ ամեն ինչից այս ֆուտբոլիստներին չեն մոռանա: Ոչ ոք չի կարող խլել իրենցից նրանց կարգավիճակը»:
|