«Բարսելոնայի» հարձակվող Զլատան Իբրահիմովիչը հայտարարել է, որ Չեմպիոնների
լիգայի կիսաեզրափակիչ պատասխան խաղում կապտնառնագույնները պետք է իրենց
խաղը խաղան: Շվեդ ֆուտբոլիստը հիանալի գիտակցում է, որ ներաձուրների հետ
այս խաղում հեշտ չի լինի, սակայն համոզված է նրանում, որ «Սանտիագո
Բեռնաբեուում» կայանալիք եզրափակիչին կմասնակցի հենց «Բարսելոնան»:
«Այս մրցաշրջանի «Ինտերը» շատ է տարբերվում այն թիմից, որում ես էի խաղում:
Միլանցիների կազմում 4-5 ֆուտբոլիստներ են խաղում, որոնք փոխել են թիմի
խաղը: Այդ պատճառով ես կխուսափեի համեմատություններից: Կարող եմ միայն
ասել, որ «Բարսան» կարող է պրեսինգ գործադրել այն մրցակցի վրա, որը մեր դեմ
խաղաց առաջին խաղում: Սակայն, ամեն դեպքում, մենք պետք է մեր խաղը
խաղանք»,- հայտարարել է Իբրահիմովիչը:
Առաջին խաղից հետո Ժոզե Մոուրինյոյի հոգեբանական գրոհների վերաբերյալ
Իբրահիմովիչն ասել է. «Նա դա արել է լրատվամիջոցների հետ հարցազրույցի
ընթացքու՞մ: Բայց ես չեմ ցանկանում խոսել այդ մասին, քանի որ ինձ չեն
հետաքրքրում իր խոսքերը, ինչպես նաև հենց ինքը»:
Աղբյուրը` www.totalfootball.am
|