Գլխավոր էջ » 2010 » Ապրիլ » 23 » Բարսելոնա - Խերես: Գվարդիոլան խաղից առաջ
18:15
Բարսելոնա - Խերես: Գվարդիոլան խաղից առաջ

Խոսեպ Գվարդիոլան զգուշացրել է, որ Բարսելոնային ամեն ինչ հեշտ չի տրվի շաբաթ օրը առաջնության ետնապահ Խերեսի դեմ խաղում:

Կապտանռնագույնների մարզիչի կարծիքով անդալուսիական թիմի հետ հանդիպումով կսկսվի իր թիմի համար վճռական շաբաթը: Բարսելոնան չորեքշաբթի օրն ընդունելու է Ինտերին, իսկ շաբաթվա վերջում էլ կարևոր հանդիպում է անցկացնելու Իսպանիայի առաջնությունում` հյուրընկալվելով Վիլյառեալին Էլ Մադրիգալ մարզադաշտում:

«Այս շաբաթը որոշիչ կլինի»,- ասել է Գվարդիոլան ուրբաթօրյա մամուլի ասուլիսի ժամանակ: «Մենք չենք մտածում մյուս խաղերի մասին, ամեն ինչ մեզնից է կախված, և մենք չենք կարող մեզ թույլ տալ թուլանալ»,-ավելացրել է նա:

Ինտերի հետ գալիք խաղի մասին Գվարդիոլան նշեց. «Մենք պատրաստ ենք: Դժվար է լինելու անցնել հաջորդ փուլ, բայց մենք պետք է փորձենք, և ամեն ինչ կստացվի: Մեզ կամային մեծ ուժ պիտի ցուցաբերենք, և մենք հասկանում ենք, որ դա ծանր գործ է»:

Գվարդիոլան հավատացած է, որ Խերեսի հետ հանդիպումը կարող է իր ազդեցությունն ունենալ Ինտերի հետ խաղի վրա. «Յուրաքանչյուր խաղի արդյունքն իր ազդեցությունն է թողնում մեր հաջորդ խաղի վրա»:

Բարսելոնայի մարզիչը նշեց, որ ինքը տպավորված է Խերեսի վերջին արդյունքներով. «Նրանք  վերջին երեք խաղերի ընթացքում անպարտելի են եղել և դեռ շարունակում են պայքարել: Մենք պետք է լուրջ մոտենանք այս խաղին: Գրոստիոն(Խերեսի մարզիչը` Նեստոր Գրոստիոն) այնտեղ մեծ աշխատանք է կատարել»:

Կատեգորիա: Մամուլի ասուլիսներ և հարցազրույցներ | Դիտումներ: 684 | Ավելացրեց: Barcamaniac | Տեգեր: Գվարդիոլա