17:32 Ինիեստան վնասվածք է ստացել և չի խաղա մեկ ամիս | |
 Վատ նորություններ են ստացվել Բարսելոնայի համար. Անդրես Ինիեստան այսօր վնասվածք է ստացել մարզման ժամանակ և լավագույն դեպքում կկարողանա խաղադաշտ դուրս գալ միայն Չեմպիոնների Լիգայի եզրափակիչում: Այնպես որ, Բարսան ստիպված է հաղթահարել Ինտերին և հասնել եզրափակիչ: Կանտերանոն կտրել է աջ ոտքի ծնկատակի ջիլը: Փաստորեն Ինիեստայի մոտ կրկնվել է Մալյորկայի դեմ խաղում ստացած վնասվածքը, որի պատճառով կիսապաշտպանը բաց թողեց տասը օր: Այժմ վնասվածքն ավելի լուրջ է, և Ինիեստան չի կարողանա օգնել իր թիմին մեկ ամիս: Իսպանիայի առաջնությունում նա այլևս դաշտ դուրս չի գա:Երեքշաբթի իր մամուլի աասուլիսի ժամանակ Պեպ Գվարդիոլան չկարողացավ թաքցնել տեղի ունեցածից իր հիասթափությունը.<<Նա վնասել է ոտքը: Ես շատ ցավում եմ նրա համար, ինչպես մենք բոլորս: Բոլոր վնասվածքնենրն էլ մեզ համար ցավոտ են, բայց նրա վնասվածքը հատկապես: Հուսով եմ նա շուտով կվերականգնվի: Մենք հույս ունենք հնարավորինս հեռու գնալմրցաշարերում, որպեսզի նա հասցնի գոնե ևս մեկ անգամ խաղադաշտ դուրս գալ այս մրցաշրջանում>>: | |
| Կատեգորիա: Նորություններ | Դիտումներ: 755 | | | |