Որոշ ժամանակ անց Պիկեն սկսեց «Բարսելոնայում» կատարելագործվել որպես ֆուտբոլիստ: Նա միայն մարզվել է ՖԱ Բարսելոնայի պատանեկական թիմերում: Հետագայում նրա մարզիչները ասում էին. «Երբ մենք տեսանք նրա խաղը, միանգամից ցանկացանք պայմանագիր կնքել նրա հետ, չիմանալով, որ նրա պապը «Բարսելոնայի» փոխնախագահն է եղել»:

10 տարեկանում նա ծանոթացավ Ֆաբրեգասի հետ, որը դարձավ նրա լավագույն ընկերը: Ֆաբրեգասն ասում էր. «Ես երբեք արյունակցական եղբայր չեմ ունեցել, սակայն կարող եմ ասել, որ Ժերին իմ եղբայրն է: Մանկական թիմերում նա միշտ կանգնլ է մեր կողքին: Ես նրան շատ եմ հարգում ու սիրում, չնայած որ մեզ բաժանում են հարյուրավոր կիլոմետրեր»:

Գործերի բեկումնային ընթացքի պատճառով, 2004թ.-ին, Լա Մասիայից դուրս եկած երեք տաղանդավոր ֆուտբոլիստներից մնաց միայն Մեսսին: Սեսկը տեղափոխվեց «Արսենալ», իսկ Պիկեն «Մանչեսթեր Յունայթեդ»` Սեր Ալեքսի մոտ: «Դա ամենաբարդ որոշումն էր իմ կյանքում: Սակայն հիմա`հետադարձ հայացք քցելով դեպի անցյալ, հասկանում եմ, որ դա ինձ շատ օգնեց: Այդ կտրուկ որոշումը փոխեց ինձ որպես ֆուտբոլիստի և որպես մարդու»:

Քանի որ «Մանչեսթերում» կային այնպիսի պաշտպաններ ինչպիսիք էին Ֆերդինանդը, Վիդիչը, Բրաունը, Օշին, որոնք զգալիորեն բարդացնում էին Պիկեի մեկնարկային կազմում հայտնվելը, Պիկեն նախընտրեց վարձավճարով հանդես գալ «Սարագոսայի» կազմում:

2008թ, վերադարձ. «Ես  գիտեի, որ վերադառնալու եմ: Կարող են իմ ասածները շատ ինքնավստահ թվալ, սակայն ես գիտեի, որ իմ վերադարձը «Բարսելոնա» անխուսափելի է»:

Իրոք, Պիկեի անունը կամաց-կամաց բրենդային է դառնում, այսպիսի հայտնիությամբ աչքի էր ընկնում Բեքհեմը, որի անունը արդեն միլլիոնների արժեք ունի: Պիկեն գնում է այդ ճանապարհով, նա երիտաարդ է, բայց արդեն համարվում է աշխարհի լավագույն պաշտպաններից մեկը, նրան արդեն սկսել են համեմատել Բեկենբաուերի հետ: «Պիկեբաուեր»`ահա այսպես սկսեցին անվանել Պիկեին համեմատությունների ժամանակ:

Առաջ Պիկեն համարվում էր իր թիմի երկրպագուների կուռքը, իսկ հիմա` արդեն կարելի է ասել ամբողջ աշխարհի երկրպագուհիների կուռքը:

Այսպիսին է Պիկեն`միշտ ուրախ ու միշտ «Բարսելոնայի» երկրպագուներին սիրելի: Հաջողություն Պիկեին, թող մնա այնպիսին, ինչպես որ կա:

Մեսսի2011, Բարսաֆան