Բարի գալուստ, Իվան Ռակիտիչ - 1 Հուլիսի 2014 - ArmBarca.com
Գլխավոր էջ » 2014 » Հուլիս » 1 » Բարի գալուստ, Իվան Ռակիտիչ
19:52
Բարի գալուստ, Իվան Ռակիտիչ

Խորվաթիայի ազգային հավաքականի կիսապաշտպան Իվան Ռակիտիչն այսօր կեսօրին բուժզննում է անցել կատալոնական «Բարսելոնայում», հաղորդում է ակումբի պաշտոնական կայքը:

- Չէի կարծում, որ «Սևիլյայի» հետ հրաժեշտն այսքան ծանր կտանեմ: Կինս առաջին անգամ ինձ լաց լինելուց տեսավ: Ես հպարտ եմ, որ եղել եմ «Սևիլյայի» ֆուտբոլիստ:

Ես հրաժեշտ չեմ տալիս, այլ պարզապես ասում եմ. «Մինչ նոր հանդիպում»: «Սևիլյան» իմ տունն է, իմ քաղաքը: Լավ կլիներ, որ կարիերաս ավարտեի հենց այնտեղ:

Ես եկել եմ «Բարսելոնա» ոչ թե Խավիին փոխարինելու, այլ հիմնական կազմի ֆուտբոլիստ դառնալու համար: Ցանկանում եմ աշխատել և ապացուցել, որ ես դրան արժանի եմ:

Ցանկանում եմ շնորհակալություն հայտնել ակումբին` ինձ նման պատվի արժանացնելու համար:

Ցանկանում եմ երկար ժամանակ անցկացնել «Բարսելոնայում» և թիմի հետ մտնել պատմության մեջ: Ամեն ինչ միայն ինձանից է կախված, ամեն ինչ կանեմ, որպեսզի արդարացնեմ վստահությունը:

Պետք է նշել, որ կատալոնական ակումբի կազմում խաղացողների վրա միշտ շատ լուրջ ճնշում է գործադրվում: Այդ պատճառով ցանկացած խաղում պետք է տրվել ամբողջությամբ և ձգտել միայն հաղթանակի:

Մեծ պատիվ է կրել Գվարդիոլայի համարը, ով նման հաջողությունների է հասել ակումբում: Հուսով եմ, որ Նեյմարը և Մեսսին կօգնեն ինձ դառնալ ավելի լավ ֆուտբոլիստ, իսկ ես, հնարավոր է, կօգնեմ նրանց դառնալ ավելի ուժեղ,- հայտարարել է Ռակիտիչը:

Հավելենք, որ Ռակիտիչը «Բարսելոնայում» հանդես կգա 4 համարի մարզաշապիկով, որը նախկինում պատկանում էր Ֆրանսեսկ Ֆաբրեգասին:

Կատեգորիա: Նորություններ | Դիտումներ: 125 | Ավելացրեց: Մեսսի2014