«Բարսելոնա»-«Այաքս». մարտավարական վերլուծություն - 19 Սեպտեմբերի 2013 - ArmBarca.com
Գլխավոր էջ » 2013 » Սեպտեմբեր » 19 » «Բարսելոնա»-«Այաքս». մարտավարական վերլուծություն
01:11
«Բարսելոնա»-«Այաքս». մարտավարական վերլուծություն
Խերարդո Մարտինոն հերթական նորամուծությունը կատարեց՝ առաջ բերելով 4-3-3-ի ձևափոխման ևս մեկ օրինակ:

Նկատենք, որ «Բարսելոնան» խաղադաշտ դուրս եկավ սովորական թվացող 4-3-3 տակտիկական դասավորությամբ, սակայն այս 4-3-3-ը դասականը չէր.
Ո՞րն է դասական 4-3-3-ը. մի փոքր խոսեմ 4-3-3-ի երկու ենթատիպերի մասին.

1. 4-3-3՝ երկու հետ քաշված կիսապաշտպաններով կամ 4-2-1-3
4 պաշտպանների դիմաց տեղակայված են երկու կիսապաշտպաներ, ովքեր ավելի շատ հենակետային դիրքի գործողություններին են միտված, իսկ մյուս կիսապաշտպանը բավականին առաջ է քաշված և համարվում է մաքուր PlayMaker: Այս մարտավարությունն օգտագործում են գնդակն ավելի շատ վերահսկող թիմերը, քանի որ եզրային կիսապաշտպանները հազվադեպ են մասնակցում գրոհներին և զբաղված են պաշտպանների հետ գնդակ խաղարկելով և խաղը վերահսկելով:

2. 4-3-3(դասական) կամ խաղ՝ մեկ հենակետայինով
«Բարսելոնայի» խաղաոճում ամենաշատը հանդիպում է հենց դասական 4-3-3 դասավորությունը. հենակետային գոտին փակում է Բուսկետսը, իսկ Ինյեստան և Չավին աշխատում են եզրերում: Այս մարտավարությունը բավականին քիչ է հանդիում եվրոպական ֆուտբոլում, քանի որ դժվար է հակագրոհներին դիմանալ մեկ հենակետային կիսապաշտպանով:

«Այաքսի» դեմ խաղում մեկնարկային րոպեներից խաղադաշտում Ֆաբրեգասն էր. նրա խաղաոճը և դիրքը դժվար էր «հարմարեցնել» դասական 4-3-3-ին, ուստի Խերարդո Մարտինոն եզրերից առաջ էր տարել Նեյմարին և Սանչեսին, իսկ Սեսկին տվել էր գրոհների կազմակերպման ազդեցություն: Այստեղ, սակայն բաց է մնում աջ կիսապաշտպանի գոտին, որն ուղիղ առնչություն ունեցավ կենտրոնական պաշտպանների խաղի հետ. այսինքն. Ալվեսը քչ թե շատ վերածվեց աջ եզրային կիսապաշտպանի, իսկ Պիկեն և Մասկերանոն հաջողությամբ փակում էին աջ պաշտպանի գոտին: Դե, իսկ մեկ կենտրոնական պաշտպանով խաղը «Բարսելոնայի» պես թիմի համար դժվար չէ:

Արման Առաքելյան


Կատեգորիա: Անձնական բլոգ | Դիտումներ: 558 | Ավելացրեց: Sportjournalist