Գլխավոր էջ » 2013 » Մարտ » 2 » «Բարսելոնան» կրում է երրորդ անընդմեջ պարտությունը
21:20
«Բարսելոնան» կրում է երրորդ անընդմեջ պարտությունը
Իսպանիայի առաջնության 26-րդ տուրում կայացավ «Ռեալ Մադրիդ» - «Բարսելոնա» հանդիպումը, որտեղ «Բարսելոնան» 2-1 հաշվով պարտություն կրեց մրցակցից:

Մի քանի օր առաջ, «կապտանռնագույները» պարտվեցին Մադրիդի «Ռեալին» 1-3, իսկ այսօր, արդեն 2-1 հաշվով: «Բարսելոնան» կրում է երրորդ անընդմեջ պարտությունը:

Խաղը սկսվեց շատ ակտիվ և արդեն 6-րդ րոպեին տան տերերը առաջ անցան խաղի հաշվի մեջ և գոլի հեղինակ դարձավ ֆրանսիացի հարձակվող Կարիմ Բենզեման: Առաջին խաղակեսում թիմերը այսքանով չբավարարվեցին: Արդեն 18-րդ րոպեին Մեսսին հավասարեցրեց խաղի հաշիվը:

Առաջին խաղակեսը ավարտվեց շատ հանգիստ, թեև 2 թիմերն ել ունեին գոլ խփելու հնարավորություն: Երկրորդ խաղակեսը նույնպես ակտիվ ընթացավ, բայց գոլի հեղինակ դարձան «սերուցքայինները», հաշիվը դարձնելով 2:1: Գոլի հեղինակ դարձավ Սերխիո Ռամոսը, գլխի գեղեցիկ հարվածից հետո:

Խաղավերջում Ադրիանոյին գցեցին մրցակցի տուգանային հրապարակում: Բոլորը սպասում էին, թե ինչ որոշում կկայացնի խաղի մրցավարը, բայց Պերես Լասան չնշանակեց 11 մետրանոց:

Խաղը ավարտվեց 2-1 հաշվով և «Բարսելոնան» պարտություն կրեց, իսկ Վիկտոր Վալդեսը մրցավարի հետ վիճելու պատճառով ստացավ կարմիր քարտ և բաց կթողնի Լա լիգայի շրջանակներում կայանալիք հաջորդ հանդիպումը:


Կատեգորիա: Նորություններ | Դիտումներ: 835 | Ավելացրեց: Իբրա-Կադաբրա