Իսպանիայի առաջնության 13-րդ տուրի շրջանակներում կայացած «Լևանտե» -
«Բարսելոնա» խաղում ուժեղ գտնվեցին հյուրերը: Հանդիպումը թափ առավ երկրորդ
խաղակեսի սկզբնամասում, երբ արգենտինացի հարձակվող Լեոնել Մեսսին մի քանի րոպեի ընթացքում ձևակերպելով դուբլ, կարողացավ ևս մեկ քայլ կատարել դեպի գերմանացի լեգենդար հարձակվող Գերդ Մյուլլերի ռեկորդը:
Արգենտինացի հրաշամանուկին 3 գնդակ է հարկավոր Մյուլլերի ռեկորդին հավասարվելու համար:
Վերջին րոպեներին «Լևանտեն» կարող էր հեղինակության գնդակ խփել, սակայն Վիկտոր Վալդեսի փայլուն սեյվերի շնորհիվ գնդակը հետ մղվեց 11 մետրանոց նշանակետից:
Հետաքրքիրն այն էր, որ «Բարսելոնան» Իսպանիայի առաջնությունում նոր նվաճում գրանցեց` չորրորդ անընդմեջ խաղում դառնալով առնվազն չորս գոլի հեղինակ: