Սարագոսայի դեմ մրցավեճից առաջ Կատալոնական «Բարսելոնայի» գլխավոր մարզիչ Տիտո Վիլանովան զրուցել է լրագրողների հետ:
«Մենք բոլորս էլ գիտենք, որ «Սարագոսայի» հետ միշտ բարդ է: Առաջնությունը երբեք չի թողնում հանգստանալ: Լավ է, որ գոնե այս անգամ սեփական հարկի տակ ենք հանդես գալու»,- ասել է Վիլանովան:
«Պույոլը մարզվել է առաջին թիմի հետ և ստացել բժիշկների թույլտվությունը «Սարագոսայի» դեմ հանդպիմանը մասնակցելու համար»:
Ինչպես նաև մարզիչը շնորհավորել է Վիկտոր Վալդեսին որդու լույս աշխարհ գալու կապակցությամբ:
«Այսպիսի լավ լուրերից և իրադարձություններից հետո ֆուտբոլիստները սկսում են ավելի լավ հանդիպումներ անցկացնել: Այդ ուրախությունը դուք կարող եք տեսնել անգամ նրանց աչքերում: Շնորհավորում եմ Վիկտոր Վալդեսին»:
