Մեսսի. «Խնդիրներ մի փնտրեք այնտեղ, որտեղ դրանք չկան»
Կատալոնական «Բարսելոնայի» գլխավոր մարզիչ Տիտո Վիլանովան «Բարսելոնա» - «Գրանադա» հանդիպումից անմիջապես հետո մեկնաբանել է իր թիմի ցուցադրած արդյունքը և անդրադարձել է խաղադաշտում Լեոնել Մեսսի և Դավիդ Վիլյայի մասնակցությամբ միջադեպին։
«Այն, ինչ տեղի ունեցավ Վիլյայի և Մեսսիի միջև, ապա դա ֆուտբոլի մի մասնիկն է։ Բոլոր նրանք, ովքեր ֆուտբոլ են խաղացել, հասկանում են նրանց։ Այսպիսի վեճերն ապացուցում են, որ թիմն ապրում է»,-եզրափակել է Տիտո Վիլանովան:
Barca TV-ին հարցազրույց է տվել նաև Լեոնել Մեսսին, ով իր հայտարարություններով հանգստացրել է երկրպագուներին:
«Խնդիրներ մի փնտրեք այնտեղ, որտեղ դրանք չկան: Պետք չէ նաև բարդացնել խնդիրները: Վիլյան և ես հիանալի
հարաբերությունների մեջ ենք: Դա պարզապես բախում էր, որը լինում է տարբեր հանդիպումների ժամանակ»,-հայտարարել է Մեսսին: