Կլյուվերտ. «Չավին և Ինիեստան «Բարսայի» առաջատարներն են»
Կատալոնական «Բարսելոնայի» նախկին հարձակվող Պատրիկ Կլյուվերտը հայտարարել է, որ երազում է «Բարսելոնան» գլխավորելու մասին, սակայն չէր հրաժարվի նաև «Ռեալում» աշխատելու տարբերակից:
«Շատ կցանկանայի երբևէ գլխավորել «Բարսելոնան»: Այս ակումբում աշխատանքը իմ գլխավոր երազանքն է, և ես կցանկանայի, որ այն իրականանար: Ցանկանում եմ դառնալ մեծագույն մարզիչ:
Ես չէի մերժի նաև Մադրիդի «Ռեալի» առաջարկությունը», – Կլյուվերտի խոսքերը մեջբերում է Goal.com-ը:
Կլյուվերտը գովել է նաև «Բարսելոնայի» կիսապաշտպաններ Չավիին և Անդրես Ինիեստային.
«Ես դեռ այն ժամանակ էի հասկացել, որ նրանք կհասնեն մեծ բարձունքների: Երբ դիտում ես նրանց խաղը, անհավանական զգացումներ ես ունենում:
Այն ժամանակ նրանք դեռ պատանի էին, իսկ այժմ դարձել են «Բարսելոնայի» առաջատարները: Շատ եմ սիրում հետևել նրանց ելույթներին», – ավելացրել է Կլյուվերտը: