Գլխավոր էջ » 2012 » Հուլիս » 18 » Մեսսիի մամլո ասուլիսը (Նկարներ և տեսանյութ)
18:09
Մեսսիի մամլո ասուլիսը (Նկարներ և տեսանյութ)
Արգենտինայի հավաքականի և Կատալոնական «Բարսելոնայի» հարձակվող Լեոնել Մեսսին այսօրվա մամլո ասուլիսի ժամանակ հատարարել է, որ նոր մրցաշրջանում իրենք նպատակ ունեն հաղթել բոլոր մրցաշարերում, ինչպես նաև հույս է հայտնել, որ «Ոսկե գնդակը» բաժին կհասնի Կատալոնական ակումբի ֆուտբոլիստներից մեկին:

«Այժմ ես ցանկանում եմ ոչ թե ռեկորդներ սահմանել խփած գոլերի քանակով, այլ տիտղոսներ նվաճել «Բարսելոնայի» հետ: Իմ նպատակը թիմի հետ տիտղոսներ նվաճելն է: Ես իմ առջև նպատակ չեմ դնում սահմանել նոր ռեկորդներ՝ հասնելով անձնական հաջողությունների: Տարեցտարի հաղթելն ավելի դժվար է դառնում: Նախորդ մրցաշրջանում «Ռեալը» հաղթեց Պրիմերայում, և այս տարի նույնպես մեզ բարդ մրցակցություն է սպասվում: 2012-2013թթ. «Բարսելոնան» կփորձի նվաճել բոլոր հնարավոր տիտղոսները: Պետք է մոռանալ «Ռեալի» հաջողությունները և պատրաստվել նոր մրցաշրջանին:

Ցանկանում եմ, որպեսզի թիմակիցներիցս մեկը ստանա «Ոսկե գնդակը», որպեսզի այդ մրցանակը մնա «Բարսելոնայում»: Չեմ կարծում, թե մեր թիմին նոր ձեռքբերումներ են պետք, քանի որ շուտով շարք կվեարադառնա Դավիդ Վիլյան, ով շատ կարևոր խաղացող է մեզ համար: «Բարսելոնայում» առանցքային ֆուտբոլիստ է դարձել նաև իմ հայրենակից Խավիեր Մասկերանոն: Հուսով եմ, որ նա կմնա թիմում:

Թիմում հրաշալի մարդիկ են հավաքվել: Նրանցից յուրաքանչյուրը գիտի` ինչ անել խաղադաշտում, որ ամեն-ինչ մնա այնպես, ինչպես Գվարդիոլայի ժամանակ էր»,-ասել է Արգենտինացին:


Կատեգորիա: Նորություններ | Դիտումներ: 491 | Ավելացրեց: Մեսսի2013