Ինչպես հաղորդում է ESPN-ը, Կատալոնական «Բարսելոնայի» գլխավոր մարզիչ Խոսեպ Գվարդիոլան մեկնաբանել է Մադրիդի «Ռեալի» գլխավոր մարզիչ Ժոզե Մոուրինյոյի այն հայտարարությունը, որ կատալոնական ակումբն արդեն ապահովել է իր տեղը «Չեմպիոնների լիգայի» եզրափակչում:
«Անչափ շնորհակալ եմ Մոուրինյոյից, որ հավատում է «Բարսելոնային»: Ամեն մարզիչ չէ, որ այսպիսի շռայլ խոսքեր իրեն թույլ կտար հակառակորդ թիմի հասցեին: Զգացված եմ, բայց նշեմ, որ բոլոր 4 թիմերն էլ ունեն նույն հնարավորությունը, ինչը ունի «Բարսան»:
«Չեմպիոնների լիգայում» մենք կհանդիպենք Լոնդոնյան «Չելսիին»: Ես գիտեմ, թե ինչպես պետք է խաղալ «Չելսիի» դեմ, բայց և գիտակցում եմ, թե ինչ մրցակից է մեզ սպասվում: «Չելսին» ներկայացնել պետք չէ, արդեն բոլորն էլ գիտեն, թե ինչպիսի խաղ է նա ցուցադրում:
Եթե մենք ցանկանում ենք եզրափակիչ դուրս գալ, ապա պետք է քրտնաջան աշխատենք և ցույց տանք այն ամենը, ինչ սովորել ենք վերջին 5 տարիների ընթացքում»,-եզրափակել է Պեպ Գվարդիոլան:
|
