Ամերիկյան «Նյու-Յորք Ռեդ Բուլզ» ակումբի
հարձակվող Թյերի Անրին գովել է իսպանական «Բարսելոնան» և թիմի գլխավոր
մարզիչ Պեպ Գվարդիոլային, փոխանցում է Sport.es-ը:
Կապտանռնագույնների նախկին ֆուտբոլիստի խոսքերով, ինքը մեծ հաճույք է ստացել կատալոնական ակումբում խաղալով:
«Իհարկե
իմ հիմնական թիմը եղել է Լոնդոնի «Արսենալը», բայց իսպանական
«Բարսելոնայի» ֆուտբոլն իսկական խենթություն է: Համոզված եմ, որ թիմը կարող
է բոլոր մրցաշարերում հասնել լավագույն արդյունքներին: Ինչ վերաբերում է
Գվարդիոլային, նա խելացի մասնագետ է: Ինձ համար Պեպն աշխարհի լավագույն
մարզիչն է»,-ասել է ֆրանսիացի ֆուտբոլիստը: