Իսպանիայի առաջնության 7-րդ տուրը
կարող է շատ հիշարժան դառնալ "Բարսելոնայի” հարձակվող Դավիդ Վիլյայի համար,
քանի որ "Կամպ Նոու” է ժամանելու "Վալենսիան”, որի կազմում Վիլյան հանդես է
եկել 5 տարի:
Երեքշաբթի օրը նա ճանաչվել է Իսպանիայի հավաքականի
լավագույն ռմբարկուն այն բանից հետո, երբ "Եվրո-2012”-ի ընտրական փուլի
Շոտլանդիայի հետ խաղում (3:2) դիպուկ հարվածի հեղինակ է դարձել: Սա նրա
45-րդ գոլն էր հավաքականի կազմում: Նրանից առաջ դեռ ոչ ոքի չի հաջողվել
նման արդյունքի հասնել: Դավիդի վերջին մրցակիցը Ռաուլն էր, ով վաղուց արդեն
չի ընդգրկվում Իսպանիայի հավաքականի կազմում:
Շաբաթ օրը
28-ամյա հարձակվողը ստիպված կլինի մրցել իր նախկին ակումբի խաղընկերների
դեմ: "Վալենսիայում” նա հանդես է եկել հինգ տարի` խփելով 100-ից ավելի
գոլեր: Սակայն ամռավը Դավիդը տեղափոխվել է "Բարսելոնա”, որի կազմում էլ
հանդես է գալիս մրցաշրջանի սկզբից:
"Վալենսիան” տվել է ինձ ամեն
ինչ, այդ իսկ պատճառով առաջիկա հանդիպումն առանձնահատուկ է լինելու ինձ
համար, - Վիլյայի խոսքերն է մեջբերում sbnation.com-ը, - ես բազում լավ
հուշեր ունեմ` կապված այդ ակումբի և նախկին խաղըկերներիս հետ”:
Ի դեպ, Վիլյայի մասնակցությունն
այդ խաղին ի սկզբանե հարցականի տակ էր, քանի որ Շոտլանդիայի հետ հանդիպման
ավարտին նա վնասել էր ծունկը, բայց, բարեբախտաբար, հիմա ամեն ինչ կարգին է: armsport.am