Իսպանացի մի գործարար պատրաստակամություն է հայտնել 30 հազար եվրոյով գնել ութոտնուկ Պաուլին։ Գործարարը մտադիր է պայծառատես ծովային կենդանուն դարձնել օգոստոսին Կարբալյինոյում կայանալիք ազգային խոհարարական փառատոնի թալիսմանը։ Քաղաքի իշխանություններն էլ են ոգևորվել այդ մտքից. ութոտնուկը մեծ թվով այցելուներ կբերի իրենց փառատոնին։ «Մենք չենք գնում, որ ուտենք նրան», – վստահեցրել է իսպանացի գործարարը։ Այս մասին հաղորդում է Sports.ru–ն։ Հիշեցնենք, որ ութոտնուկ Պաուլը համաշխարհային հռչակ ձեռք բերեց ՀԱՀ–ի Ֆուտբոլի առաջնության ողջ ընթացքում իր անվրեպ կանխատեսումների շնորհիվ։