Գլխավոր էջ » 2010 » Հունիս » 10 » Պեդրոն երկարաձգել է պայմանագիրը մինչև 2015 թվականը
14:13
Պեդրոն երկարաձգել է պայմանագիրը մինչև 2015 թվականը
Չորեքշաբթի օրը Պեդրո Ռոդրիգեսը նոր պայմանագիր է ստորագրել ակումբի հետ, որի համաձայն նա կմնա Բարսելոնայում մինչև 2015 թվականը:
Պեդրոյի նախկին պայմանագիրն ուժի մեջ էր մինչև 2013-14 մրցաշրջանի ավարտը: Այժմ այն երկարաձգվեց ևս մեկ տարով: Նոր պայմանագրով
ժամկետից շուտ Պեդրոյի գնման արժեքը կազմում է 90 միլիոն եվրո, իսկ նախկինում այդ արժեքն էր 75 միլիոն: Պեդրոյի աշխատավարձը նույնպես բարձրացվել է, և հիմա այն ավեոլի է համապատասխանում թիմի խաղում նրա ներդրումներին:
Barca TV-ի լրագրողներին Պեդրոն ասաց.<<Ես շատ ուրախ եմ: Շնորհակալ եմ թիմի ղեկավարությանը, որ վստահում են ինձ: Առանց պարոն Լապորտայի դա անհնար կլիներ: Մեր ֆուտբոլիստները միշտ կհիշեն նրան>>:
Պեդրոն, վերհիշելով ավարտված մրցաշրջանը, ասաց.<<Սա հիանալի տարի էր: Ես շատ գոհ եմ, որ այսպիսի մրցաշրջան անցկացրի, որը հնարավոր է այլևս չկարողանամ կրկնել: Ամեն ինչ լավ ընթացավ, և արդյունքում մենք վաստակեցինք չեմպիոնությունը>>:
Բարսելոնայի առաջին թիմում իր անցկացրած առաջին մրցաշրջանը Պեդրոն սկսեց փոխարինողների նստարանին, իսկ ավարտեց այն որպես Իսպանիայի հավաքականի ֆուտբոլիստ: Մասնակցելով 52 խաղի` նա խփեց 23 գոլ, իսկ վերջերս էլ խփեց հավաքականի կազմում իր առաջին գոլը` մասնակցելով Լեհաստանի հավաքականի ջախջախմանը(6-0):
Պայմանագրի ստորագրումից հետո լրագրողների հետ խոսեց նաև ակումբի նախագահ  Ժոան Լապորտան.<<Այս տարի Պեդրոն ուղղակի փայլեց իր խաղով: Նրա տաղանդն ու աշխատասիրությունն ապացուցեցին, որ նա արժանի է վստահության և պայմանագրի երկարաձգմանը: Հիմա Պեդրոն մեզ հետ կլինի մինչև 2015 թվականը: Հրաշալի է թիմում ունենալ նրա պես ֆուտբոլիստների, ովքեր անցել են Բարսելոնայի դպրոցը և միշտ նվրված են թիմին>>:

Կատեգորիա: Նորություններ | Դիտումներ: 534 | Ավելացրեց: Barcamaniac | Տեգեր: Պեդրո, Լապորտա