Մարադոնան ցանկանում է, որ Մեսսին գերազանցի բոլորին
Արգենտինայի հավաքականի գլխավոր մարզիչ Դիեգո Մարադոնան պարզապես ապշած է մամուլում հայտնված ասեկոսեներից, թե նա իբրև չի ցանկանում, որպեսզի Լիոնել Մեսսին լավ հանդես գա ՀԱՀ-ում կայանալիք 2010թ. Աշխարհի Գավաթի եզրափակիչ փուլում:
«Ալբիսելեստեի» գլխավոր մարզիչը նշել է, որ դա հնարավոր կլիներ միայն այն դեպքում, եթե ինքն իր թշնամին լիներ:
«Կարծում եք, ես Մեսսիին լավ ելույթներ չեմ ցանկանա....տարօրինակ է: Ստացվում է, որ ես պետք է ստիպեմ նրան վատ խաղալ: Բայց ինչո՞ւ ես այդպիսի բան պետք է անեմ, եթե նա խաղում է թիմի, այսինքն և ինձ համար: Արգենտինացիները պետք է հպարտանան այսպիսի ֆուտբոլիստով, և Աստված տա, նա լինի լավագույնն աշխարհի առաջնությունում»,- Մարադոնայի խոսքերը մեջբերում է Clarin-ը: